Kan Sarda l’arive de France,
Soidizan po libére anou,
Toute zésklav la-reprann konfianse,
La-anbrasse la tér, la-marshe aznou.

Oté Sarda ! Toué la-roule anou.
Ton zoli kozman trinn anou
Dann la bou.

Toué la-di : « fé pa dézorde
Dofé dann kann, ça la pa bon.
Shien mésan va pèrde lanvi morde
Mové maitr va vni bon patron. »

Oté Sarda ! Toué la-roule anou.
Ton zoli kozman trinn anou
Dann la bou.

Zordi, cent an apré,

Néna zésklav dokèr dann por,
Zésklav masson in pé partou.
Non lésklavaz lé pa bien mor !
Sarda Garriga, toué la roul anou.

Oté Sarda ! Toué la-roule anou.
Ton zoli kozman trinn anou
Dann la bou.

Si la tér groblan Sainte-Marie,
La klosh i sone ansanm Véli,
Po apèle zésklav konm dann temps lontan :
Madam Desbassayns lé ankor vivan.

Oté Sarda ! Toué la-roule anou.
Ton zoli kozman trinn anou
Dann la bou.

Axel Gauvin