Dalone, dalon,
nou lé antrinn travay sï lo dézièm niméro lo magazine KIVI, lo liv pou mèt anlèr nout lidantité réyoné. Lo tèm i tonm "mové tan". Si zot la anvi ékri obyin si zot néna in teks, in zistoir, in kozman, in zimaz, in lidé, in pë lo tan, riskab i intérès anou...
Konm zot la vï dann lo promié nïméro, KIVI, pars l’i respek nout doub-lang kozé, l’i lé an fransé é an kréol. Daborinn, anndan-la néna in dosié désï in tèm, aprésa néna osi bann zartik désï dot zafèr sak i fé la sosiété réyoné. La rédaksion lo magazine lé rouvèr, nou lans in propozision é nou voi si domoun nou mazine lé kapab ékri i trap, i trap pa.
Mersi réponn avan lo 6 zanvié si zot i vë rant dann proshin nïméro. N’i prévoi in rénion lo 12 zanvié 3 zèr laprémidi Sindni pou mèt ansanm tout lo bann teks.

Dalones, dalons,
nous sommes en train de travailler sur le deuxième numéro de KIVI, le
magazine pour la promotion de l’identité réunionnaise. Pour cette parution prévue au début de l’année, nous avons choisi le thème du "mauvais temps". Si vous souhaitez écrire ou si vous avez un texte, une histoire, une parole ou citation, une idée, du temps, cela peut nous intéresser.
Comme vous avez pu le constater dans le premier numéro, KIVI, respectueux du principe du bilinguisme harmonieux, est en français et en créole. Le magazine s’articule autour d’un thème prédéfini, ainsi qu’une série d’articles divers sur ce qui construit le quotidien de notre société réunionnaise.
La rédaction du magazine est ouverte ; nous faisons une proposition et nous observons si la population de rédacteurs potentiels que nous avons ciblée s’en empare ou non. Nous vous remercions de bien vouloir nous répondre avant le 6 janvier si vous désirez contribuer au prochain numéro de ce magazine. Une réunion est prévue le 12 janvier à 15 heures, à Saint-Denis pour mettre en commun tous les textes.

Teddy IAFARE-GANGAMA
Rédaktër responsab

PS : Banané zot tout...