Lékritir étimolozik, sé ékrir parapor lékritir fransé, ansèrv tout bann mo i sort dann lortograf fransé. Sa, akoz 80 % bann mo i sort dann lang fransé.

Promiédébi, lortograf kréol té kol sanm sat lo fransé. Mi ansèrv po egzanp "L’auto la tomb’ dans l’rempart". Ziska 1962/1963 téi ékri konmsa, an lékritir étimolozik. Lékritir-la i done aou lorizine lo mo, épi souvandéfoi sanm in listoir lo mo. Eksa po in moun la pokor aprann lo kréol épi la pass dann lékol fransé lé pli méyèr.
Soman, nana in larlik dan so manièr amèn lékritir Kréol : Na poin pèrsone lé kab ékri 10 lign an kréol dann in lékritir étimolozik dann in kréol inpékab. Toulmonn i ékri konm li vé, konm li voi. Sa la pa bon po in lang. Lé tro anuiyan ékrir ali. Eksa, lo bann mo i poz problèm, akoz sistèm lo mo la pa parèy.

Ankor la plipar bann mo i sort dann fransé (oui) somansa lo sans la fine transformé. Sof lo sans la dévlopé, sof in vié sans la résté, souvandéfoi lo sans kréol épi sat lo fransé la pi parèy ditou.

Case / Kaz > lo sans la pa parèy dann lé dé lang.
Fouyé > k. fouy in trou / creuser.
f. fouiller / fouiner / chercher.
Rodé > K. sèy mèt la min dési.
F. roder un moteur / comme un renard.

Anfinnkont, lafèr sék la manièr maziné minm la pa parèy. Aprésa i gingn pa obliz in rénioné konèt lortograf fransé po li gingn aprann lir épi ekrir son promié lang. Lortograf kréol i gingn pa pass apré inn ot.
Aprésa, létimolozik i réspèk pa lo son, la fonolozi kréol. "Tombe" lé pa in "tonm" nazalizé. "Dan’l rempart" i nazaliz an "dann ranpar" an kréol parlé. Létimolozik i kol sanm fransé alork dann lang kréol parlé i nazaliz in ta. Lékri i doi prann an kont la fonolozi nout lang. I fo réspèk lo son kréol. Létimolozik i kol pa sanm lo son la lang kréol réyoné, i fo in lékritir i may arpa la tèt domoun. Fasil pou ékri, tout domoun i gingn apran.

Le jour "Baptême"

Kankrola pou parin
Babouk pou marinn
Tay kabri pou drazé
Zot la invit amoin.
Moin la mèt mon pti rob
Ek mon pti sapo roz
E kan moin larivé
Dézord la komansé

Fé pa tapaz kamarad
Nana in lièv sou la tab ;
Fé pa tapaz kamarad
Na souk in lièv sou la tab.

Blatte pour parrain
Araignée pour marraine
Crottes de cabri en guise de dragées
Vous m’avez invité.
J’ai mis ma petite robe
Et mon petit chapeau rose
Et dès mon arrivée
La nouba a commencé.

Ne faites pas de bruit les amis.
Il y a un lièvre sous la table ;
Ne faites pas de bruit les amis,
Nous prendrons un lièvre sous la table.

Ambroise Vollard

Zot i koné ?

Lo promié trass lékritir kréol i remont dann zané 1714. Rant lané 1714 é 1723, nana in fraz inn fanm i di dovan lo Konsèy Provinsial. Sé Marie, inn fanm zesklav i anserv po défann aèl dan in zistoir maronaz. El i di : " Moin la parti marron parce qu’Alexis, l’homme de jardin, l’était qui fait à moin trop l’amour". An 1756, n’ankor inn i lanss : " Ceux qui vous ont dit cela ont ramassé manteries ". An 1793, nou ar’trouv fraz la : " Son maître avait dit : " Assé, assé battre mon noir ; ce noir la va mor ". Par-là 1799 : " Mon ami, a’vla deux racines qui faut gratter dans une bolle d’eau, quand l’a faire ça, la moitié faut jetter dans le manger de ton maître, l’autre moitié jette devant sa porte, ça pour faire venir fous les blancs pour nous tuer eux autres à la Comédie ", " Si toi y veut, moi y va te donner quelque chose pour sortir des mains de ton maître. Moi y en’ a pas besoin parce que ton maître ne fait pas misère à moi ", " Mon ami n’en a un travail que nous y faut faire ce coup ci, car faut que nous y tuent tous les blancs ", " Nous autres les plus que les blancs, allons tuer chacun noutre maître, moi y sera le capitaine ; le jour que moi va dire tuer eux autres, nous va être le maître dans le pays pour gagner a l’y ", " Vous l’est une foutue bête, vous y connaît donc pas que les blancs l’a fait sagailles pour nous autres battre contre les anglais. Nous autres va laisser anglais qui seront dans le vaisseau. Vaut mieux nous autres battre ici à terre. Nous autres y l’est plus que les blancs, nous va tuer a eux et virer contre eux".

Nout lé zèn dakor, soman i ar’mont pa rienk dann zané démil.