David Huet lé anparmi bann zotèr i vann lo plis dann Azalées Édition. Tèlman domoun i domann ali, son liv “Le temps du Fénoir” i sort in dézièm kou. Mé na osi sat lé nèv sanm “Souvenance”, in liv si lo tan lontan pou konèt kèl manièr kréol té viv isi La Rényon.
Ti bout ti bout, li rakont koman té fé la kaz, ousa té sort do boi. Li done a nou son souvnans si Saint-Denis lontan, son bann fontinn, son gran bazar. Li ékri osi si la fason domoun té aby azot, bonom kom fanm. Li rapèl anou in fason manzé kari fé d’boi épi brèd. Li lèss romont dan son lèspri kout van siklone. Li blok dan la vouv son liv in zistoir bishik. I fé zèt anou in koud’zié si lo vakans lontan, si la fèt noèl. Li rapèl nou bann zané la mizèr dann tan la gèr.
Li fé lo tour lamizman navé sanm lo spor, bann kours vélo. Li gard in pansé pou bann z’izine la fine mor, parlfèt i plonz anou dann in kanpanye sikrièr, doulèr la koup kann, kou d’sèk lo rom. Tousa i fini o milié in mariaz lontan. In takon foto noir é blan i sa va ansanm sak souvnans pou plonz anou dann in ot réalité. Liv-la a pèn lé fini, Daniel Huet i pans dézà sak va suiv, in roman i port lo nom “Mazigador.”
Anparmi bann liv Azalées i sort, néna “Dépression tropicale”, in roman Bruno Testa, épi in rékèy kolèktif “Florilège... de poésies palmiplainoises”.

Eiffel

Dédicace

L’année 2004 commence bien pour Azalées Éditions qui organise une série de dédicaces : David Huet sera le 26 juin à la librairie Gérard avec Michel Saad (Mémé Mil z’herbe) et Gilbert Manès (La Rivière des Créoles). Gilbert Manès, dédicace aussi le 19 juin à l’Entrepôt.