Nora Jean-Bernard Ifanohiza, Sergio Grondin, Anny Grondin, Christian Floy Jalma, Lolita Monga, Francky Lauret, Babou B’Jalah. Zot tout i sar rakont anou zot mazinasion dési listoir-là. « Lom-Kok té noir » « Non la pa vré, li té sort Sin Zozèf, li té in Yab, soman li la tonm konm in kok noir ». Oté kosa, la pa rakonté dési boug là. Dawar tousa la pa vré ! Somanké, li viv zis a koté out kaz, ou koné pa non-pli. Ala in fèt la semèn kréol i tonm in ot fason. Toultan i fé kabar, zis po dir i may la lang. Là, kabar po la semèn kréol nana in tèm. Tir dann loubli Lom-Kok ? Akfèr ? I serv arien, va dir détroi. Oté, tan-k nana po rakonté, tan-k ni mazine, tan-k nana po di, akoz pa rakonté, akoz pa maziné, akoz pa di ? Marmay, nora pèr. Non, mi kroi pa. Tanto in kont po ramass la mantri, tanto in zistoir po fé ri la boush, tanto in lespès zoizo-vèr va fèr son komantèr, nora po aprésié. I espass dann téat Gran-Marshé, le samdi 27 oktob à 20èr, é le dimansh 28 oktob, à 18èr. Vien azot.

J.T

« Zomzoizo »

« Vèy pangar i fé bien noir
Zomzoizo i vol si l’tar
Marmay sat là in kaniar
I souk valal dann fénoir »

la di té in makoi mayé makav, makiyé
Alé’oir makiyon an ronar

« Vèy pangar i fé bien noir
Zomzoizo i vol si l’tar
Marmay sat là in kaniar
I souk valal dann fénoir »

O kak té kabalèr Kako plèr, fé in ka
Kabèb kabèb sa zoizo marmay

« Vèy pangar i fé bien noir
Zomzoizo i vol si l’tar
Marmay sat là in kaniar
I souk valal dann fénoir »

In bo soir, moin la bït si in zoizo
Alé’oir in tèlmol rod fé lonm

« Vèy pangar i fé bien noir
Zomzoizo i vol si l’tar
Marmay sat là in kaniar
I souk valal dann fénoir »

Zom dafèr san zoli kèr
Fé larzan an paké
Po fé zoué zistoir là vap si vap

Extrait de Zomzoizo,
texte de Babou B’Jalah

Si koté la médiatèk le Por Benoîte Boulard

Zordi, tout la zourné, nora in gran lanbians si koté la médiatèk le Por, épi dann bibliotèk le Por. Moring aou, lanbians la kour, Maloya èk Lansiv, Fonnkèr èk Mikaèl Kourto, é ankor Babou B’Jalah. I paré va finir ziska tar 20èr. Zot nana tou le tan po défoulé.

L’oktob77 i fèt son trant an

La di fé pa in gran fanfar po lékritir là, l’oktob77. Nana détroi i èm batt nout lang an létimolozik (la pa lozik biensir). D’ot i roul ali an KWZ, po gingn la distanss. N’inpé i préfèr arondi la tab négosiasion po Tangol nout lang. Lékritir 1977 l’anserv pandan kèk zané, na dir ziska zordi. Sèt semèn, li fèt son trant an. In gato, banna la pa mazine aport devan li. Tanka fèr, na mèt la bouzi ...