Dann kartié, dann famiy, partou dann Lo Port, 20 Désanm lé un zour i shant, i dans, i partaz : lo gran fèt rényoné la liberté.
O Port, 20 Désanm lé pa in zour kom lé zot. Lé in zour mémoir, in zour komba, in zour fierté pou nout pèp réyoné.
Nout zansèt la soufèr, la résisté, la lité pou arach zot liberté ek zot dinité. La liberté la pa donné,
la liberté la gagn par la lite.
O Port, sa mémwar-la la touzour été vivan.
Dann kartié, dann famiy, grâce a l’engajman Portois ek Portoises, ek soutien kominis dann minicipalité pendan lontan, la flanm 20 Désanm la zamé étin.
Dann so comba la, PCR la joué in rôle déterminan pou fé konèt, fé respekté ek fé viv 20 Désanm
kom in symbol fort l’identité ek la lit pèp réyoné.
Zordi ankor, o Port, nout responsabilité lé clair : onor nout zansèt, di non a toute form linzistis,
batay pou la zistis sociale, ek défann nout l’identité Réyoné.
20 Désanm, lé pa in souvenir mort : lé in combat vivant.
O Port, nout liberté lé nout lit, nout lit lé pa fini !
Bonn fèt Réyoné la liberté !
Bonn fèt kaf a zot tout !

Pou la section PCR Lo Port
Lo Secréter, Patric Boitard