“Zénès Maloya” sa in nafèr lé gayar ! Samdi swar navé in bon pé d’moun pou ékout maloya téat plin èr sinjil. Navé lambians, domoun lété kontan – kome sa mi kompran la vi. Na vé in larmoni ant kafre, zoreil… ant tout domoun. Domou té chant, té fé bouz lo kor, té aplodi… Zé limièr, lo son lété o top. Si la sèn lo band zartist lété fièr zoué maloya. Sa sé sak moin la rosanti é moin lé sir ke moin lé pat ou sèl ! Gramoun Dada parin la swaré i dira pa moin lo kontrèr. Sa in boug mé zami, sa in rézistan, sa in boug dobout, sa in boug la milité é i milit ankor. Zamé ma oubli swaré la. Mi tien romèrsié lékip organizatèr, mi sit pa pèrsone moin la pèr oubli in moun. An tou ka moin lété kontan –kome tou lé jour- vawr sèt armoni antr tan d’moun. Mersi pou sèt bèl swaré mé zami.

Texte et photos Jean-Fabrice Nativel