Véy le tour, Bofon lé pa sitan loin, sré domaz lèss “Vol Somin Kann” fini san vavang in kou dan la kour in lizine pou in piès téat galizé, dan le tan é si le tan.

Alé téat sé pa soloman alé oir in spéktak. Lèr ou sar oir in piès dann sal téat, na tout in srémoni avan i komans, néna lo moman la port i rouv, ou trouv in sièz, kozman i dsann, épi i komans. Pou “Vol Somin Kann”, lé ankor pli bèbèt. La port sé in somin dann kann, konmsi si ou minm ou rant dann dékor.

Rido kann

Lèr ou la pas lo rido kann, lèr lizine i sort dann fénoir, asiz si in ban, ou i atann i komans... In zistoir la fini di, in zistoir la pokor dir... Domoun i koz domoun atèr-là minm, domoun Bofon, i fé koz la mémoir. Domoun i zoué bann zoir minm, i fé in téat pou domin, zako an lékilib si lo fil la mémoir.

Zistoir listoir

Atèrlà i zoué, i sant, i koz ansanm, i fé lo kèr, i dobout gèt. Zistoir Pépé pésèr i rakont lé vré lé pa vré ? Pokosa domoun lo kartié la pèr, i tranm, na kap kap ? Kosa bann zènzan karnèr, kosa la zénès koméla i sar rodé dann kann ? Do fé lamour ? Bèbèt ? Lo diab ? Grenouy, i di.

In plézir

Kantité zoir rol i vir i dévir, si la tèr bati la kour lizine, dann in gran volkan Pépé i koz, i véy, i rakont... In kozman gabié, in lang tayé, in plézir oir parkoman lo mo i sone. Sé t’in gran kontantman oir koman lo mo i rézone, i robonm, dann in zé ousa sakinn (tout in lékip, gèt parkoté) i amont son gouté pou ral anou ansanm.

Francky Lauret

“Vol Somin Kann” de Lolita Monga
Compagnie Acte 3
Mise en scène : Lionel Deverlanges
Direction des chœurs : Damien Lazartigues
Scénographie & lumières : Gérald Ascargorta
Costumes : Térésa Small
Musique : Yohan Calciné & Damien Mandrin

Zistoir

L’histoire se déroule dans le quartier “Bofon” à Saint-Benoît, une histoire d’habitants et de leur usine. Une ancienne usine sucrière, aujourd’hui désaffectée, présente, pesante, imposante dans la tête de ses habitants. On dit qu’il y aurait un jeune homme “grenouy” qui court dans les champs de cannes. On dit même qu’il causerait avec les âmes de tous ceux qui travaillaient à l’usine... Alors, faut-il rester dans la “souvenance” et regarder le temps de l’usine comme des photos jaunies ou faut il enterrer le passé pour aller plus loin ?

Les 9, 11, 12 juillet 2008 à 20h
Dans le champ de cannes, près de l’usine Beaufonds à Saint-Benoît.

Réservation au 0262-50 -53-33