Fam noir
Voi dor
Dan nout kèr
Nou va gard
In bon souvnir.

Shak fèt la kour
Nou té i dans
Si out romans

Fam la lut
Pou son péi
Pou Lafrik
Pou le mond antié
Pou Mandela
Pou nou osi

Moin la koni aou
Kan in group zèn Rénioné
La parti Cuba
Festival mondial la zénès
Sé la moin la dékouvèr
Out listoir

Ou lé
Kom in limièr
Pou nout tout.

Adieu Myriam
Ou la kit anou
Mé out mizik i rèst
É out lékzanp osi.

Ninine