Mersi pou out sourire
Mersi pou out bann ti mo,
out bann zistoir té fé ri,
out lanvi rann tout demoune éré
Mersi pou out muzik, out génie.

Ou i rapèle kan dessi la sène "Quartier Français", anou bann figuran : nou la essèye fé ri aou (nout dos té viré, demoune té i voi pa nou) : ou la manke rire an plin le pièsse téat, ou la tienbo, inn ti sourire la pèrle si out koin d’lève.

Lété tro gayar rankonte aou dann bann rue sindni, nou té i anbrasse dé koté, nou té i kasse la blague, ou navé toujour in gayar ti mo pou nou, anou ossi navé pou ou.
Défoi, nou té i assize pou arfé le monde.

Mersi pou tout Arnaud.

In jour, nou va artrouve anou,
pou anbrasse ankor in kou dé koté,
pou ar-rire ankor ankor,
pou joué la muzik,
pou shanté,
pou arfé pou toujour le monde.

In bèl béko pou ou.

Laurence D.
èk Lantant Tikouti