Hommage

Kat ti mo kreol pou Edwar Savini

Paul Dennemont / 8 désanm 2017

JPEG - 106.4 ko

Zélèksion Sintandré, lo dimans 10 désam swasantsèt,
Dann biro d’vot la méri, in gro lodèr la frod té ki infèk.
Bonèr, bonèr, lizolwar navé pi, zasésèr kominis nonpli.
Sou pyé lastik, kaki té ki grouy, mal lo syin dé pat osi.
In grap la déboulé, Savini té asomé, o pwin désot la vi.
Tousa, akoz lo boug té pa zot bor, kominis té son Parti.
Zis pou sa mimm, nout brav kamarad lé mor, foutor !
Bann mal lo syin kriminel, zot, la rèt lib, kom lèr déor.
Lo tan la filé, sinkantan la koulé. Mé nou bli pa Savini.
Pou sa minm minm osi, mi fé zordi so kat ti mo dékri.

Kom sak ané, dimans 10 désam, nou va alé simétyèr,
Rann a li in Iomaz. Nou va port pou li inn ti bouké flèr,
Koulèr rouz kom sak li té ènm dann pli profon son kèr.
Mé nou nora in gro pansé galman pou tout sak la sobat
La pèy lo pri for zot konba pou la liberté lo pèp Réyoné.

Paul