Leconte de Lisle naît en 1818 à Saint-Paul, d’un père venu de Bretagne, ancien chirurgien des armées napoléoniennes assez instable, et d’une cousine d’Evariste de Parny. Qui aurait dit alors, en se penchant sur son berceau, que le jeune Charles René Marie occuperait un jour à l’Académie française, en 1886, le siège 14 : celui de Victor Hugo ? On ne sait pas si une voyante s’est risquée ou non à des prédictions pour l’avenir de cet enfant créole : si elle l’avait fait, elle aurait alors annoncé un brillant avenir intellectuel sur fond de ruptures et aussi, hélas, de misère matérielle. Mais attention aux clichés, qui ne voient en notre compatriote qu’un poète parmi les plus grands et oublient le journaliste qu’il était, ainsi que l’ auteur de livrets pour l’opéra, de textes en prose et le traducteur de nombreux textes anciens.

Dix ans seulement passés dans l’île...

Leconte de Lisle a passé, en tout, une dizaine d’années dans notre île, et encore, de façon discontinue : de sa naissance à 1822, de 1832 à 1837, puis enfin de 1843 à 1845.
En 1822, son père décide de ramener toute la famille en Bretagne, alors que ses intérêts économiques se trouvent dans notre île, son épouse lui ayant, en effet, apporté par mariage une concession en pleine prospérité, et aussi des esclaves (!) pour faire fructifier les terres. Mais voilà qu’à peine arrivé en Bretagne, il s’intéresse à nouveau à la colonie, y faisant au moins deux voyages et acquérant une nouvelle concession. Il est alors tour à tour commerçant (d’esclaves dit-on !) ou chirurgien.

Etudes, promenades et longues conversations avec un ami

En 1832, c’est le retour de la famille dans l’île et le futur écrivain mène du côté du Bernica une vie assez libre tout en faisant ses études au collège colonial : le père et la mère étant blancs et prospères, le jeune Charles n’a pas rencontré les mêmes difficultés que d’autres comme Auguste Lacaussade qui, se voyant refuser l’entrée au collège, a été obligé de s’exiler à Rennes pour y faire ses études.
Dans la bibliothèque de son père, Charles se cultive en lisant les œuvres de Lamartine, Walter Scott, Hugo et Evariste de Parny, ainsi que les philosophes de l’ère des Lumières. Ses lectures ainsi que ses promenades dans les Hauts et ses longues conversations avec un ami occupent une part importante de son temps.
Mais voilà qu’il tombe amoureux, mais comme il dira lui-même, d’un amour timide et vague pour Elixène Delanux, un amour que seule la nostalgie embellira par la suite, car il doit se rendre à Rennes pour faire ses études, passer son Baccalauréat et apprendre le droit sans goût véritable. Elixène meurt en 1840 et Charles ne la reverra par conséquent plus puisque lui-même ne revient au pays qu’en 1843.

Le dernier séjour : dix-huit mois seulement au pays

De retour à La Réunion en 1843, pour s’installer comme avocat, il trouve l’atmosphère étouffante, il souffre des souffrances des esclaves. Ses idées révolutionnaires cadrent mal avec son état de fils d’esclavagistes. Finalement, il renonce à une carrière d’avocat dans la colonie, écourte son séjour et revient à Paris. Son dernier séjour n’a duré que 18 mois et c’est déjà à nouveau la France. Leconte de Lisle ne revint plus jamais dans son île. Il essaie bien, mais sans succès, d’obtenir un poste de professeur à Saint-Denis, et à compter de 1845, c’est définitivement en France que se situe sa vie.

Dans la tourmente révolutionnaire...

Arrivé à Paris, il est bien accueilli par ses amis du groupe socialiste utopiste inspiré par Fourier. Il devient secrétaire de Rédaction de la parution “Démocratie pacifique” et il collabore au journal “La Phalange” dans lequel il publie au moins quinze poèmes et des textes en prose. Avec des jeunes intellectuels comme lui, de France et des colonies, il lutte pour l’abolition de l’esclavage et l’avènement de la République. Il fait le coup de feu sur les barricades en février lors de la révolution réussie qui amène la République et l’abolition de l’esclavage. Il est envoyé en mission en Bretagne, mais c’est un échec : il doit s’échapper par une fenêtre pour éviter de se faire étriper par la foule. En juin 1848, il participe à la révolte ouvrière, mais celle-ci est réprimée dans le sang.

Notre compatriote est désespéré par le peuple qui, selon lui, se laisse corrompre, et ne comprend pas où sont ses intérêts. Il rompt alors avec la politique et décide de faire « une belle œuvre, écrit-il, qui sera ma manière de travailler pour la justice et pour le droit ».

à suivre...

G. Gauvin

Lavé in foi... Leconte de Lisle ...

II- Le tan pou kass bann frin

Leconte de Lisle lé né lané 1818 dan la vil Sin-Pol. Son papa lété k’i travay konm médsin i opèr d’moun pou lo kont larmé Napoléon. Le boug téi koné pa tro kossa li té i vé, épi li téi shanj manièr pli souvan k’i fo. Son momon lété in kouzine Evariste de Parny.
Kissa noré pu majiné pti marmay-la noré rant l’académi fransèz, in jour, épi li nora okip lo fotèy 14, sète Victor Hugo, avan li mor ? Pèrsone i koné pa si in devinèr la lir dann liv pou oir kossa marmay-la nora niabou fèr in zour. Si li lavé fé, li nora sirman anons marmay-la va vnir intélijan, mé li va konète lo tan la mizèr. Mé i fo fèr atansion èk la boush demoun ! Kroi pa li té arienk in fézèr fonnkèr, in gran fézèr fonnkèr - konm in bon pé d’moun i koné -, mé li té ankor zournalist, li téi ékri bann livré pou lopéra, bann zistoir, épi li té i tradui in bon pé bann z’ékrivin dann tan lontan, bann grèk épi bann latin.

Li la pass solman dizan La Rénion

Leconte de Lisle la pass in dizène lané dann péi li lé né : dépi 1818 ziska 1822, dépi 1832 ziska 1837, épi in pti koup de tan rant 1843 épi 1845.
Lané 1822, son papa i déside amène tout son moun an Frans, dann La Bretagne, alé oir, son bann zintéré lé La Rénion : kan li la marié, son madam l’amène pou li in gran bitasion, in bon kantité la tèr, épi zésklav pou trimé déssi... Konm li koné pa pou vréman kossa li vé, dé k’li ariv La Bretagne, li artourn an voiyaz La Rénion, o moin dé foi, in foi konm komèrsan (zésklav, solon déssèrtin !) in n’ot foi konm médsin déssi bann bato larmé. Dann in voiyaz li fé donn ali in konséssion la tèr épi li rotourn o péi pou mète sa an valèr.

Charles i fé zétid, i bate gran-gran karé, épi i kass la blag avèk in dalon...

Lané 1832, tout lo famiy i artourn La Rénion, épi l’ékrivèr-a-vnir i viv bien épi lib dann kartié Bernica. Li fé son zétid dann kolèz kolonial : konm son famiy lé blan épi nana lo pourkoi, na poin difikilté pou bar son shomin. La pa konm Lacaussade, té oblizé alé an Frans pou fé son zétid akoz issi, banna téi vé pa in métis épi in zanfan batar anparmi bann blan déssi bann ban lékol.
An parmi bann liv son papa nana, li trouv bann lékrivin konm Walter Scott, Lamartine, Victor Hugo, épi Evariste de Parny : li lir sa an gourmandiz. Li lir ossi bann filozof ! Étone pa si apré li té pi dakor avèk lésklavaz épi la roiyoté. A par sa, li bate gran-gran karé dan léo, épi li kass la blag ansanm in dalon i apèl Adamolle, si mi tronp pa.
L’ariv ali galman tonm amouré pou inn son bann kouzine : Elixène Delanux, mé la pa in lamour bèf, mé in lamour timidé épi in pé mol-mol. Arienk pli tar, li la déguiz sa an gran lamour, kan son kouzine té fine marié épi kan li té fine sort La Rénion pou alé an Frans pou pass son basho épi fé son zétid de droi, in n’afèr li té i èm pa vréman.

Dèrnié sézour la dir solman dizuit moi

Kan li artourn La Rénion pou li fé lo métié avoka, li trouv lanbians lé pa sa, li soufèr kan li apèrsoi la doulèr bann zésklav. Épi, son zidé révolisionèr i siport pa sa. Sa i fé mal a li dir son bann famiy lé zésklavazis. Final de kont, li kit La Rénion pou alé an Frans, dan la vil Pari... Leconte de Lisle la pa artourn La Rénion kansréti in sèl foi : In foi mèm, li la sèy domann in plas proféssèr fransé, mé banna la rofiz ali. Dopi 1845, li la rès dan la Frans ziska la mor lané 1894.

Dann siklone la révolision

Kan li l’ariv dann Pari, son bann dalon révolisionèr la bien konplimant ali ; li la pran in travay dann “La démocratie pacifique” épi dann zournal “La Phalange”. Li la ékrir dann “La phalange” par-la kinz fonnkèr épi inn-dé zistoir ; Avèk in bann dalon, li la vanj pou labolision lésklavaz épi pou la Républik ; moi d’févrié 1848, li fé pète fizi déssi bann barikad : bann révolisionèr i gingn la viktoir. I pé déklar la républik épi i aboli lésklavaz.
Li sava dan la Bretagne pou ésplik son politik, mé demoun i mank tié ali, li gingn zis lo tan sové. Moi d’jin dann Pari, li lé déssi bann barikad, solman larmé i fé koul le san épi bann révolisionèr i pèrd la parti.

Leconte de Lisle lé démoralizé. Li déside démissione la politik akoz d’apré li, lo pèp i koné pa oir ousa i lé son zintéré. Alor li di li va fé in bann gayar liv, pou an parl la Sians épi lo droi bann moun. Solon li, sa mèm lo méyèr manièr pou vanj pou demoun.

(La pankor fini)

G. Gauvin