Oté lo mèt, kosa la fé ? Ton dé zèl lé sofé koté Bondié ?

Mi argrèt lo mank sousi demoun nana po ou, Jean sans le soin
Kinm lank, foutor ; Inn plass la pa niabou tass manièr trouvé
Skiz mon pardon, forss pi siouplé, so gou mal "èlfé"

Oté lo mèt, kosa la fé ? Ton dé zèl lé sové koté Bondié ?

Mi batt kart po lavnir. Danss aou po lo, né i done lavi, bé !
Sipèr ! kal gondal dann koin, souk ali talon, ziron, Dell
Skiz mon pardon, poz ali ron, sou tronèl bondié.

Té Jean sans le soin, pa de Blaise Ferdinand
Là, in giyom po sabouk lo kèr boi tann nout péi ?

Té Jean sans le soin, pa de Blaise Ferdinand
Là, po Lanka, Simandèf, Nicolas, ziss in gazon pou l’kèr ?

"klik kliniotan" "alim féklèr" "kontak la pa rouvèr ?"
"k’lé ‘arlikan" "mo té rouvèr" "la tak la rou atèr ?"
"dosik dann bak" "la ronm delo" "san foi, la dor san toi !"
"La pa ziss po in gamèr ou sar fé lantrak la loi ?"

Marco Polo, sansa Waro, la kaz Viadère, La Saline pésèr,
Ousansa sou Banian-là, riv "yèr dabor" : in romans, in fran
Twé l’anvoy amoin lap roz po santi lodèr fonnkèr La-Rényon

Dan lo kèr mon péi, lo kèr fanm osi, o kèr ...

12 zilié 2006, La Bretagne, Babou B’Jalah