La pa krazé le dou lèr
V’arivé plantèr
La pa tanté le doulèr
V’ar’rivé planté
V’ariv lèr, ousa nora pi bato lavion...
V’ariv lèr, ousa nora pi loto kamion...
V’ariv lèr ousa nora pi plantèr, mantèr...

La fé « son grokèr va monté », soman ansanm Labonté
La di « viv komsa lotomat », tir lodèr èk flèr tomat
Fèy fig là tanka bord ali, plant béton, ar’zoum ali
Manj aou rougay plastik là, non roul pa tro maloya
Pil plito lamarsh son roulman, la po roul anou soman

La pa krazé le dou lèr
V’arivé plantèr
La pa tanté le doulèr
V’ar’rivé planté
V’ariv lèr, ousa nora pi bato lavion ...
V’ariv lèr, ousa nora pi loto kamion ...
V’ariv lèr ousa nora pi plantèr, mantèr ...

La fé « louraz, delo, mizèr », soloman rokin onzèr
La di « Paris, si va doné », si kraz také si la moné
Ou v’ashèv gonm droitt moman koshon, nior lonbri koman daplon ?
Roul po tanpone aou la tol, bèl loto i dor la zol
Kadanss ali, voyaz ali, kosa la fé mon péi ?

La pa krazé le dou lèr
V’arivé plantèr
La pa tanté le doulèr
V’ar’rivé planté
V’ariv lèr, ousa nora pi bato lavion...
V’ariv lèr, ousa nora pi loto kamion...
V’ariv lèr ousa nora pi plantèr, mantèr...

La fé « somaz, zapp ! Patatèr ! », soloman dépay la tèr
La di « planté, ou’a manjé », ala in voyaz galé
Sharoy delo, po Clain margoz, sitantèlman la pi roz
Zanimo, kann, zabitasion, tout la po mor, la pa bon,
I tourn pi, i rod roul ali, koman i lé mon péi ?

La pa krazé le dou lèr
V’arivé plantèr
La pa tanté le doulèr
V’ar’rivé planté
V’ariv lèr, ousa nora pi bato lavion ...
V’ariv lèr, ousa nora pi loto kamion ...
V’ariv lèr ousa nora pi plantèr, mantèr ...

La fé « domin sar po alé », tilanp dousouman v’avansé
La di « batt pa, tro tro for là », le kor l’ankor tann èk sa
Na kri papa, na kri moman, le brinjèl lé plin lontan,
Banna Paris, Mane la pa ni, in rislèt la kass lé kui
Ou’a gout margoz, apré longoz, gamèr i game anou la proz

V’ariv lèr, ousa nora pi bato lavion...
V’ariv lèr, ousa nora pi loto kamion...
V’ariv lèr ousa nora pi plantèr, mantèr...

“Gamèr èk plantèr” de Babou B’Jalah, mars 2007