Bann rénioné an Frans osi i mèt ansanm po fé in kabar fèt kaf. Dési Marsèy, anfin nou la gingn argroup bann rénioné po in kabar labolision. Mi di nou, soman la anndan, sé plito Françoise Guimbert la désid mèt in lanbians èk son bann dalon. Sora doss voir demoun, rénioné ou non, mèt ansanm po fé souvnanss in listoir, dir, koudkongn. Mi antan Catherine Chane Kune la désid arèt èk lo brui la shèn. Mé tout nout listoir i sone ankor dan nout zorèy. Bann rénioné anfin i komans tir la ont po son kabar, la loi i tap pi dési nout do po in maloya dann karo kann. Brèf ! lé normal mi di moin, kan-k demoun i amont la shèn té anmar zesklav ansanm, porézon la pa tout marmay i koné on listoir, porézon la pa tout granmoun i fé in kont èk zistoir là.

In kinz désanm lanbians dann kabar

Nou nora pa la shèn dann pié. Dann la sal spéktak Léda Atomica Musique, nora lanbians, nora manzé, nora po boir osi, soman nor poin yinkyink. Chane Kune sora kontan vant plin, mèm si èl sora pa là. Non, nora poin bann brui la shèn, nou la fine démar nout lespri. Nora in kabar, maloya Tantine Zaza, Jagdish Kinoo, Babou B‚Jalah, Georges Ah Thiane, é konsor. Nora osi Charles-Henri Grondin po lantant maloya, po lantant pikan. Nora bann zwar zorèy, èk in-pé tout péi. Si mon kont bien, nora in pianis litalien, in dansèr arzantin, in zakoutèr alman, nora in bèlz, in santèz australièn, é konsor mi di azot. Artien bien, lo kinz désanm dési Marsèy nora lanbians. Lo vin désanm osi, touzour dési Marsèy, bann zasosiasion i organiz bann diné-dansan po bann rénioné la loup lo kinz. Sora doss, mi di azot.

Hénèl