Bann modékri andann forom

• 8 avril 2008, 00:11, sanm tifrédi (fourchét)/97410

  mi lé pa santér mi lé pa ékrivin mé pou trouv lo fon mon kér pa bézoin gard lwin
  mi vien pa la pou vann mé plis pou rod la fors , non mwin lé pa féb mé loin mon lil mwin lé konm in bib san fil .

  donc a in kado pou zot !

  la rénion konm in gran ravine i coul plin dopi siclone lésklavaz , é pou trouv in loséan léspoir li coul en bra li coul larz
  son bann zanfan bichik fine pérd somin kan la vouv son lamour lé gran rouvér .
  alor mi di ! si na in gran basin pou kal inn ti galé , in zerb pou pouss dann kwin , in zour pétét na giny kal la bou pou aprop lo zi lamour nout lil en kaskad !
  tank amwin , mazin inn ti plan la po pous dann bor ,avék in rév pou in zour kan mi nora gro féiy , gran brans , fane détroi grin dann lonbraz in kap koté in gran basin lo prop , pou zot pous an foré , in foré boi dir ; boi for ; boi zanti , boi noir , épi dot zoli léspés ankor mé mon rév sirtou in gran pié filao ké va fé danse son bann brin dann van dovan la mér apézé par lo soléi cousan .

  konm mar di azot mi lé pa ékrivin ou ot’ mé mi yinm tonm si bann sit konmsa é kan mi na lokazion mi plér détroi mo . si parégzenp zot i vé diskit in pé la rénion b vien war mwin si [email protected] .(moukat pa soman lol ! mi na rienk sa mé mi partaz avék ki i vé si la pwin tro lo fion lol)