Karl Ramassamy la sort in liv dépi lo moi-d sèktanm. Danyèl Waro la ékri lo padport. Gilbert Pounia ansanm. La pa porézon lé dé là, lo liv n’i trouv lé gayar. N’a dir i fo lir porézon lé an kréol, i koz bann sizé nout sosiété, i palank nout lespri dann la rénionité. "Bouillon fonnkèr" de Karl Ramassamy i ramèn anou a nout lorizine, nout fason amèn la vi tradisionèl, san palank dan mové tournéviré. Mé, kosa i lé in mové tournéviré ? Fim zamal ? Bèz lartane ? Boir lamandoz ? La pa in disk va sanz la tandans. Dawar in liv alor. Zigilé pardsi zigilé, souplinn aforss souplinn, n’a niabou kozé, ékri in lartik, po dir liv-là la sorti, i trouv shé tout bon librèr. Alé trapé.

Babou B’Jalah

La pa bézoin ral amoin kari sou deri

La pa moyen dir, ala in bouyon fonnkèr, po boir. La pa moyen travay, nana touzour po fé. Tass manièr koz droit, san ral in kaloubadia. In lotèr la pa bézoin ral kari sou deri, ziss po in lartik po in liv i sort pa. La di aou n’i travay. La pa tout n’i pran, la pa tout n’i lir. Nout kanar na rienk sèz paz. Soman, va dir, si n’i fé pa, “Témoignages” i okip pa bann zartiss péi. Arèt kass amoin lé kui.

Babou B’Jalah