Li mézir pa plis trèz santimèt, li tonm fami bann Turdidae. Sé in lespèss protézé, é i ègzis rienk dan nout péi. Bon, lé vré, li lé pa trotro gro, soman i gingn voir ali dann santié la foré, par là kat-san mèt dési le nivo la mèr, ziska nout pli gran montane, le piton dé nèz. Vèy pangar ; li lé pa tro kapon. Li yèm bien suiv bann marshèr, po souk in mièt dépin, par-si par-là. Koman rokonèt ali ? Si tout martin na zèl blan, tout tèktèk na poin le mèm plimaz. Soman son tèt lé plito sonb, son gozié lé blan. Le mal nana inn poitrine oranzé. Akoz li apèl tèktèk ? Sé son lalarm.