Desou varang le zié in roi lé papang. Non ! mé lé joli. Fanm dann lo lé kome inn flèr. Tété an margrit blan, shevé an liane banian. Le zié in rèv zamal vèr, koman in roi i pé rèss atèr. La tro regardé, mé son zié té sonbliyé. Rod koman Psalmis pou tant anrobé. Batshéba, dann li, dann kèr zétoil i briy. Po in baba zistoir. Aprésa la mor !
David, le kèr ankor margrit blan, fé kozé sanm Natan. In profèt, kourone gri, dan son tèt na véli, fé kozé sanm David. Mé pou in roi, koman i fé pou dévid ? In zistoir le plù vré, an dousèr ‘primandé. Sami é èl, dézièm ronn. Sa ! Pitdouz. Versé inn jùska sèt. Pou lamour i andoumièl. Mi atann rienk Jah an tronpèt. Samièl dézièm ronn sapit douz, vèrsé inn jùska sèt :

"Bondié komann Nathan "tsann voir David". Nathan i port ékout, tsann po dir : navé dë boug téi viv inn parkoté lot. Inn té monay gra, lot té mizèr delo. Sak té viv an groblan téi port lèlvaj mouton, bèf, inn tralé. Alù ti kolon, in lamour po son sèl ti kabri, inn femèl, lù lavé ashté dann shalèr la bitasion. (Jérùzalèm gongon soufranss). Pou rien té gingn tùé, té joli kan té p’ti. Sanm son garson la grandi. Tout ansanm. Kabri-là téi manj sanm le mèt, son papa. Téi boi dan son vèr, téi dor dan son li. Kabri-là son sèl ti fiy. Kèk tan apré, in dalon voiyajèr i poz bagaj la kaz Misyé Blan. Mé té in féblèss pou lù tùé son kabri. Déyèr, dalon-vizitèr i atann masalé. Po pa toush son troupo, ala pa lù pran le ti fiy sak té pov, kas kolé, kraz zépiss pou le vant voiyajèr"

Nathan té pokor poz le poin pou la fraz sù son lang, David té fine lèv an gérié, Roi, Jùj. Son lang la prononss le jùjman : "tank lé vré Bondié lé sanm nou, sak la fé sa, tangaj gout la mor. É pou le kabri, lù va ranbours kat foi, parss son kèr té an fèr, san niabou éponjé sanm demièl, parss lù la oz manj la transpirasion in pov ti kolon"

Toudsuit pou toudsuit, Nathan i di sanm David : "Mon roi, boug-là, sé ou. Ala kosa Bondié la di, Bondié d’Israël. Amoin dann sièl la vèrs de luil desù out tèt jèn roi le pèp Israël. Amoin minm navé inn min zoriyé pou protèj aou kont Saùl. Done aou bann lémé an tralé. Bathséba, Fanm le Itite, afèr twé la volé ? Pou la pèn, korbo-noir va plane sù out tèt, kisoi la mor, kisa zistoir, malédiksion desù out kaz. Mi gard mémoir pijon blan lèrk ou téi port la jùstiss, parss sinonsa, tangaj gout la mor akoz se lamour siroz".

Zistoir David sanm Batshéba. Fo dir zistoir-là té fléri. Parss si pa Salomon, ki koté Jézù Kri.

Lexique : Kestion batiman, la kaz é propriété

Azoupa ou Ajoupa : logement secondaire ou construction rudimentaire.

Anbilans ou labilans (vx) : nom donné aux hospices de vieillards.

Bagapan : aggloméré de fabrication locale en forme de panneaux ligneux fait à partir de bagasse et utilisé dans les constructions.

Bankasal : [Vx] d’origine indo-portugaise, vaste bâtiment de pierre couvert de bardeaux dans lequel on logeait les canots, câbles et cordes nécessaires au service du pont La Bourdonnais.

Baro : Portail. Baro la zol : portes de la prison. Baro plansé : Poutre placée sur le sol pour recevoir le plancher. Baro simitièr (métaphore) : portail de cimetière, vide laissé dans la denture par la chute des incisives. Sava troi baro : 1.se rendre au cimetière 2. se rendre à sa dernière demeure (expression tirant son origine du fait que le cimetière de Saint-Denis est pourvu de trois portails).

Baskil : bascule, balance.

Baskour : cour d’une exploitation sucrière autour de laquelle sont groupés tous les bâtiments.

Bazar (indo-portugais) : marché couvert ou découvert. Veut aussi dire l’ensemble de légumes mis en étalage au marché, ou le contenu du panier du bazardier, ou simplement commissions, les courses.

Bidonvil : habitation faite de vieux bidons, de vieilles tôles ou de matériaux de récupération. Kartié bidonvil : bidonville.

Blak : goudron. Blakaz ou blakaj : goudronnage.

Boukan : 1. petite cabane de paille (souvent de feuilles de latanier). 2. habitation rudimentaire.

Diablotin : rouleau compresseur, cylindre.

Godon : débarras, fourre-tout, remise, cabinet, resserre, appentis.

Farfar : grenier rustique, situé à même la cuisine et en dessus du foyer, où l’on conservait viande et maïs.

Kalbanon : pour cabanon. Construction en dur pour le logement collectif du personnel dans les cours d’usines sucrières ou des grosses propriétés. Ou pour masure.

Kan : habitat des travailleurs dans les cours d’usines ou sur les chantiers. Logement inconfortable. Ou

Kanal : gouttière, conduit, canalisation, caniveau

Kantine : réfectoire.

Karo : 1. champ, parcelle de terre plantée 2. coin, portion de terrain.

(à suivre)