Mounoir ! kisa i koné pa, nout lil i tourn ron èk son lanvironman, i trakas po mat in plan po sov la Tèr ? Nana in takon lespésialis la po done kozman, la po fé nèt in gran mobilizasion, la po mèt droit la tèt demoun. Nout tèr i pran in gro kou-d-solèy, la glas la po fonn, la mer i mont, la tèr i rekil, na détroi zil la pa loin disparèt. Nana po fé po shanz nout mantalité, nout fason amèn nout péi. Sat là i èm son loto fantézi, l’ot i préfèr son stil kat-kat. Nana bonpé i koz rienk an béton. Naki voudré in rout i rant an gran dann Mafat. Oté, kosa n’i pé fé ? Tout la bann la pokor pran konsianss tout bann danzé i rod souk anou dann do. Nana in tralé zafèr po fé, trié, marsh à pié, manz bio, arèt èk loto, roul bio, viv bio. Tardra viendra, nora tram-trin. Danzéré ! La Rénion i roul vèr...

Po kass lé kui

Shanté, m’a shanté mon péi
Po di Granmoun pa kaniki
Shanté, fonnkézé mon parti
Po di...
La-Rényon mon zonbri

La bord-kor dann bato
In moman son zanfan
Négrié souf delo
Aforstan gingn kozman
Boug i raz son zorèy
Lot son vant si déor
Voiles toutes ! vent sans pareille
Kinm na vin noir lé mor

Shanté, m’a shanté mon péi
Po di Granmoun pa kaniki
Shanté, fonnkézé mon parti
Po di ...
La-Rényon mon zonbri

Aprésa mon listoir
Di-zou, zi li té shèr
papa moman dawar
mémé pépé lé fièr
Makoto, zou Yéyinn
Da Lo mon vi divèr
Franss Gasy Lafrik Linn
Wo m’i viv dann la mèr

Shanté, m’a shanté mon péi
Po di Granmoun pa kaniki
Shanté, fonnkézé mon parti
Po di ...
La-Rényon mon zonbri

Dépar t’man, t’anlizé
20 désanm lib erré
shap aou déporté
si anba po shomé
la li bouz dann shemin
son pano po lévé
li batay po demin
son zanfan kwé va fé

Shanté, m’a shanté mon péi
Po di Granmoun pa kaniki
Shanté, fonnkézé mon parti
Po di ...
La-Rényon mon zonbri

Lalé rout tamarin
Mon péi té bloké
Alé ar’mèt in trin
Lo pé sar boutéyé
Ti foré koin listoir
Toyo moinsink alé
Po souvnans nout mémoir
katèrpilarizé

Shanté, mon péi po kozé
La di Polo ou’a okipé
Va di, fonnkézèr la bloké
roulé, la zénès sa souké

di là nou blok somin
nout larzan ou i lé
n’i vé asèt depin
nèrvi la po préfé
CES CEC
Zesklav selon la loi
CAE po sanzé
La pa sa gro pourkoi

krié, oté nou sar bloké
Po di n’i vé légalité
Krié, dan somin, n’a vanzé
Kilé nout larzan po manzé

Nout larzan po manzé

Babou B’Jalah