Oté, eskiz mon pardon, si la paz kréol, i tonm kom in paz po tourist. Soman, moin lé dann péi déor. O pli vré, moin lé dann péi Sarah Bartmann, Lafrik-di-Sïd. Lolita Monga èk moin, nou marsh dann santié bann Khoïsan, po trouv kosa i lé vréman zistoir Sarah Bartmann, pli konï sou le non Vénus Hottentote.
Lé vré, nou la profité po vèy bann zanimo i voi pa La Rénion, konm bann lion, tigr, ziraf, zotrïsh, bann gnou, steenbok, springbok, bann zèbr, bann bontebok. M’a dir povréman, tout bann zanimo là, moin la trouv zoli. Na rienk sèrpan, moin té pa tro anvi voir, akoz le guid la di anou si la mord anou, li kont dé minit, aprésa n’i profit dor dann sézi la mor.
An-fèt, nou la kroiz bann zanimo là, kom nou kroiz moino isi La Rénion. Parlfèt, la pa bézoin dir azot, péi-là lé gran. La Rénion i tonm vréman kom in ti galé, malgré nout biodiversité. Si in zour, zot i mazine bat in karé Lafrik-di-Sïd, alé dan la brouss mèm. Na rienk là, zot i gingn voir bann zanimo i trouv pa isi dan nout ti zil. Bon, mi tard pa tro. Di amoin si lé zoli. Moin la tir in takon foto. Va shanz lordinèr.

Bbj