Liane loror roul le rin
Ek la lign lorizon
Devan lotèl m’sié Péron
Pitakl safran dann loséan
Mouliné

Na niabou lor Gandhi
Na niabou Kabary
Na niabou voir Guan Di
Na kanmèmsa Mandéla
Danss danss maloya

Liane darzan an zingad
Bonbé bouké zétoil de mèr
Zièt ali poisondshine, louksir li vivano,
Mouliné
Po vienbou koman koman
Gout nout ravaz
In békaz

Galop Mani
Langouti l’angoni
Kab o van kann-gingan
In baba tann
Tatan la doné
Kolsou, in soulié
Gara, latika,
La gom la mizèr
Mouroumalaï si tangom
Po port si in tèl.

Sant kavia
Zazakèl dann lonbraz la Rénion

Yang !

Tanon tatona la gingn tatane
La pok an plass
Solèy i pouak

(liane an liane, ni nior le zistoir)

« Mafat Fézamozak Matouté
La parti voir Bal
San kouto Eriko
Dési Toun-Vaza
La pass dann lo Tsinteteny
Po tout bann zavan very »

Sant aou Tapkal kit out zangzang
Là, Mapiang maloute la pa makot
Malélé plito. Maboul èk loulou larzan
I dor dann voun madam Fafa
Devan son padport, dé foutafouta
La pa montré.

Yang !

Tanon tatona la gingn tatane
La pok an plass
Solèy i pouak

(liane an liane, ni touf marmit là)

liane loror la fonn le soir
dann la lign lorizon
liane darzan là si in zingad
bon ! bé ! zétoil de mèr

tilanp tilanp, na shemin granboi nout zistoir

Mai 2007,
Babou B’Jalah