Le matin kan mi révèy otour moin tout sé mervèy i rann amoin in pé fou. Mi asiz dann mon fotèy mi ékout lé gerlé ki shant sou lé fèy. Bann travayèr lé dan zot shan, povr gens de mon vilaz oublié. Koman v’i fé viv vot famiy, sé pa an kontan zétoil k’ou nora manzé. E twé lo shien, ki url à la mor, twé na poin ot shoz po fèr. « sé pou fé pasé lo tan » di lo shien.
Kan moin té marmay moin la fé in rékèy poèm. La dan ou trouv lo tio roké zié blé. « in shien si bor shemin, son gèl la poin lo frin, li rod fé lo malin, po gingn in boushé d-pin. In sé kat matin, m’a lèv in pé pli gran matin, m’a bèz ali in gran poin. Voilà, s’ki ariv lo ti shien i rod fé lo malin, dirèksion lo touf lo tin » korbo. Boug-là i rakont in pé vitman, soman nana in ta zistoir i atann azot. In zékrivin maron. In fonnkézèr mi di. Li la po koz koté moin. Mi ékout ali dousman. Ti lanp tilanp mi ékri ; sa nana in takon zistoir po rakont aou, dési la rout, dan son kaz.