Jeumon i pé fé le fièr. Là ba dann lansien lespass Palaxa, nana in gayar lamontraz Lionel Lauret èk Bilal Cadjee, i palank tout nout fason mazine lar kontanporin. Alala in travay sérié, i fé réfléshir anou dési la télé. Apèrsoi le bien, mé vèy pangar le bann danzé la télé i fane partou. I fo pa di tout, soman po aranz zot boush, mi doi dir « zot i pé rant dann tablo ». Kosa ? Zot i konpran pa kosa mi vé dir ? Alé voir, zot va konprann toutsuit. Lé sérié, lé doss, lé amizan. Koman i di ankor ? Lé intéraktif ...
Ziska le 20 oktob, zot i pé aprésié in lexpozision, épisa nana in takon d-film po regardé. Aprésa, i fodra bèk si koté Sinbénoi po gingn profité in kréasion pèrsone la zamé vi. Zot i kroir pa ? Mi di azot alé voir.

Bbj