Santié lé long

Gran golèt po la pay

Kinm mizèr ou’a manz out liberté

Santié lé long

Gran Golèt po la pay

Kinm doulèr ou’a sanz out lib’erré

Mouramour
Tilanp tilanp
Tilanp, t’i ... lanp
T’i lanp ti. Lanp aou !

Fanal in kou nout listoir

Fanantenana nout lespoir

Lespoir nout zistoir (po in kou)

Ti lamba ti lamba
Ti lamba, t’i lamba
T’i lamba ti. Lamb’aou !

Kanal in trou nout lespri
Ka t’a plasman nout véli
Véli nout lespri (poin trou)

« Bé » tiz bé ! tiz bétiz bé. Tiz aou !

si i gid i ‘kout lo soir
sigidy i ar’kout dann noir
lo soir lé dann noir (po ékout)

« Bé » kass bé ! kass békass bé. Kass aou !

mé rès atèrlà, koté out lontan, san nior out zordi, é ‘bli mazine demin.

Santié lé long

Gran golèt po la pay

Kinm louraz ou ar’trass
Pouss. O ! léyé.

Dousouman, tilanp, tilanp

Po Batarsité ?

La pa bézoin sorsié mon listoir

Po Rénionizé  ?

Zordi kaloubadia po la foir

La pa moyen kaniar manz kaviar pou bourzoiz nout fé-voir ?

Laba, Mandrosohasina, zanar la kozé dann deri nou la po manzé. Lot koté, Ambohibary, fanm saz la froté èk deluil nou la zamé boir. Mahatsinjo, Ankadinondry-Sakay, là konmsi moin la vi la maronn kivi, po piman dann zié, tout sat té zesklav l’atèr. Là porézon la kour fé maron patzone, safran bouzaron, sat la vant vid ti kolon. Là parlfèt, batt ansanm, va kadok vakana, po ravaz la boush, sat la bat la lang. Zé èk li, olèrk pil zékli. La Grann-Îl koté Nosy Komba, la ka d’hoc lavi, tifine sanm bondié, lé o pié. Détak baro po Damien. Là konmsi la gatir amoin, aléwar. Po rouv lo zié. Po rèv dé min. Po souk lodèr. Po tann zorèy. Forss port ékout. E vèy pangar mazinasion fonnkèr.

Kabary, po kozé, shakinn son valèr, la pa moin lotèr. Ral pa moin Tsiny. Koz pa moin Tody. Skiz mon Azafady.

Babou B’Jalah, Tananarive, 10 oktob 2006

In fonnkèr, ashèv mèt lai po mon dalon Richard Razafindrakoto, la désot la vi dann la gloir in gran lamontraz “Elabakana, glissement perpétuel”.