Lo bann zoizo kan té y panik, té y piaye dann ciel, té y cour ver la mer té y romonte dan la montagne, la zot té kasièt, zot té bouz pi, et bin la lo bann gramoune té y annonce la nouvel et marmaille, alé pa joué dan la rivière la plui y done paké la ho.
Sé tan la lavé la case en paille. Y fo trouve, un toi pou casiète. Sat lavé un bon case en tole té y prépare po nou un place. Mon souvenir sak foi lavé ciclone, nou té y sava dor la case nout tonton, nou lavé un famy solidèr.

So tan la lavé poin grand surface, nou té y ramasse tout sat nou lavé bésoin, ramasse dolo té y mèt dann bidon, dann bac fer blan. Nou té y sar pa asheté comme zordi, nou lavé nout lampe pétrole, nou lavé poin lectrécité, lo gaz, mé nou lavé nout cuisine feu de bois...

Mé avek lo tan tou sala la sanzé, la météo y anonse la nouvel, té y dit kel koté lo ciclone y lé, domoun y panique y sa rode tout zafèr pou manzé pou boir, y dit prépare azot la bouzi pou écléré, dolo pou boir, pou manzé aussi.
Nou cour, un instant rayon manzé la fini vide, lo gaz i trouve pi.

Mé nana un affèr aussi, annonce pou nout sécurité, fé pa ceci fé pa cela. Y di a ou zone rouze y fo, pi sortir, mi trouve, ke lé bien, lontan té y di pa, sé a nou de pran en main nout sécurité, moin la grandi. Moin la vive mi koné kosa y védir un cyclone, fé atention mé zami ni ar trouv.

Ninine