Sa la fé plézir demoun, kan anfin Sint-André la pran son pozision, po fèt la liberté. Eric Fruteau la rantré. Majine azot demoun devan la méri, po atann le Premié Majistra la vil Sint-André, in marmay la kour, la sobat po fé antann la voi la rézon, la voi lintélijanss, la voi bann sint-andréin, la voi bann rénioné. Parlfèt, sa la rézone si koté Sin-Pol, ousansa Sin-Loui, Sin-Lë, kom téi sone déjà Sint-Sïzane, le Por, la Posésion. Mounoir ! i shap pa sa sé in gran viktoir po La Rénion, po fé avanss le péi. Bïltin, la koulé po lespoir in shanjman, mèm si bann ténor l’UMP i vë pa antann. Demoun i koné osi ! sé po sa zot la vot po le bon kandida, san majine la gam le kont parti. An-tou-ka, nou té panss La Rénion navé pï frod, kom dann tan Pradié. Lïrn i artonm moman koshon. Moinsink i fé viv anou dann tan i bour lïrn kou d-bïltin i sort zo-ranjé. I di pa ou lontan, ziska la mor téi vot.

Bbj

Lexique : akoz la politik

Adversaire (politique) : kont parti
Bulletin : bïltin
Bureau de vote : bïrodvot
Candidat : kandida
Frauder : frod, frodé. La frod : la fraude
Mairie : Méri
Politique : politik
Urne : lïrn, moman koshon (principalement à cause des fraudes électorales)