• Anthony, 20 ans (centre-ville, Saint-Denis)

« Sap pa, lé vré mêm ! »

Sap pa, Monsieur. Sak banna i di dan le chanson, cé la vérité. Banna i débark kom Rambo, i entour lé ga, i totoche dé troi taba dann coin zorèy, i embark tout, apré va cauzé, au poste, i ar languète aou enkor... Bien sur, ça lé vré. Sak i di lé pa vré lé lote koté la barrière, in poin sé tou.

• Rudy, 19 ans (Saint-Benoît)

« Dommage i gagne pa témoigne cont zot »
Mi kompran pa a koz zot i admèt pa la vérité ! Nana bon pé lé ga i peu témoigné. Pas ouvertement, bien sur, donc, banna nora toujour le dessu. N’import koué, la BAC lé genti, i tap pa personn, dan kèl film ou la vu sa ? Bien sur, lé vré.

• Alain, 33 ans (La Bretagne)

« Zot i fé lo coq »

La loi, sirtou, la BAC i abuz, un poin sé tou ! Zot i languète lé ga, é mi asure a ou, i koné bien languété, i lèss pa la trace, kom ça, kan médecin i pass, li remark pa rien. À par zot famil, ki sa i aime a zot, hein ? Mi espèr in jour, la rou va tourné, va kass ce service là, banna i fé tro lo coq. Le pire, sé ke personn na poin le droi dir la vérité... Cé sa la démocratie ?

• Stéphane, 27 ans (Sainte-Suzanne)

« Zot i fait tout ou déteste a zot »

Ou film pa mwin, hein ? Ou lé bien sur ou travay pa pou banna ? Parské si ou ral a moin dan in bob là, s’ra dangereux, hein... OK ga, ma di a ou, i vo mieu pa avoir afèr a zot. Le zafère, sé ke sé zot i rod lé ga. Bien sir, zot i doi fézot boulo, lé sir, mé zot lé pa obligé agir kom zot i fé, avec violence, mépri, i trèt a nou « racaille », koman ou vé i aprécié a zot ? Zot i fé tout pou ou détèt a zot, lé konmsa. A par le chauffeur, tout i languète a ou.

• Guito 30 ans (Saint-Paul)

« Zot la point pitié »

Gendarme, police, BAC, tousala pa mon camarad sa... Mi préfèr évit a zot.. Sak lé plu féroce, sé patrouille la BAC. Zot la poin pitié pou ou. Zot i exagèr. Kom si zot i croi zot lé obligé maltraite lé ga, débark en canon, fé in ta cinéma. Zot i mont zot i commande, ou va rèst a tèr é port pa plainte cont zot, ou s’ra dé foi plus totoché.

• Sully, 42 ans (Sainte-Marie)

« Ils ont passé mon fils à tabac »

Un jour, la police m’a appelé pour venir récupérer mon fils, mineur. Son crime ? Il était sorti d’une station sans casque. À mon arrivée, ils ne savaient pas qui j’étais, j’ai assisté à une scène de tabassage. Je me suis présenté, et comme pour s’excuser, ils ont relevé un tas d’infractions contestables. Un gars m’a sorti un petit livre, en a tourné les pages et m’a dit : « Voyez, voyez, la loi dit ci, la loi dit ça... ». J’ai dit : « D’accord, rajoutez encore... ». Comment voulez-vous qu’un tel comportement ne suscite pas de rancœur chez des jeunes injustement poursuivis ?

• Edwige (Saint-Denis), mère de famille

« De bons et mauvais éléments »

Je pense qu’il ne faut pas généraliser, il y a de bons et de mauvais éléments, comme partout. Mais un fait est certain : il existe des policiers qui n’hésitent pas à cogner, pas tous heureusement, mais il y en a. Par expérience, je le sais, et c’est dommage car cela ternit l’image de la police.

• Hervé, 28 ans, (La Possession)

« Nou veu la paix, que zot i a arrète fé à nou la guèr »

Kel ga en garde a vue la pa goûté ? Ou gagne di a moin ? Allons, faut être sérieux et reconèt nana i compren pas zot i peu fèr zot travay san tapé su domoune... Le chanson la rien apris a moin de plus : li di sak domoune i pense, li di la vérité, li di osi la BAC i arèt décone si lé ga, nou veu la pé, nou veu zot i fout à nou, la pé, lé simp. Lé kom si zot té en guèr cont lé ga, lé pu posib.

• Maxime :

« Zot na respé ni pou lé ga, ni pou... zot mêm »

Lé sur ou sa mark sak mi sa va di ? Ou gagne écrit la vérité. Na bien voir... Banna lé violen avec lé ga. Pou fé koz aou, i languète aou. Bien sur, i garde bien si na poin témoin apé i fout a ou en cellule ousa caméra i tourne, lé pas couillon, hein ? Mé dan in sens, si lé bète parske lé pa kom sa zot va fé respecté a zot, si zot mêm la poin respé ni pou zot, ni pou lé ga...

Propos recueillis pas Manuel Marchal