A nou tou lé mardi swar nou rate pa ; la permanans la kaz Jano Técher, chemin Portail, nou éksplik fir a mezur koman lo konsey la rekonstruksyon i avans.

Dabor, lé manm lo konsey i ékspoz sat la diskité lo lindi po la direksyon kolégial ou lo samdi po lo konsey. Lot zour lavé in séminèr in zourné La Possession. 
Sa in nafer lé long.


Dobor inn, na in kamarad i fé laktialité politik dan lo monn, Lérop, la Frans anfin La Rényon. 
Zot i koné, partou la kriz ; parl pa isi ; 
Nout ti péi-la i bate tou lé rekor : somaz a ou, lozman sosio a ou, bann moun i koné pa lir koné pa ékrir a ou, zinégalité rant domoun...


E na lontan sa, i trinn konm sa na poin in gouvernman Paris i giny arèt sa, minm pa ralantir.
 Pli li va é pli ki anpir zour an zour.
 Apré nou débate antro nou.
 Souvan nou ariv la konklizyon : i fo in gran sanzman ; lès a nou minn nout bato par nou minm ; na ginye débrouy nout kary... kont pa tro si bann moun déor. Zot la fine fér la prèv zot i giny pa.


Benwa Blar