• Daniel Gonfo

« Kan la u l’incendi dan ma mézon, Cyrille Hamilcaro (ndlr : alors maire de Saint-Louis) lavé di devan la prèss ke moin seré relogé. O bou de 15 jour, kan moin la parti voir a lu apré, moin la pa u lékout, ni rien d’ayeur. Lu la di a moin alé dan le centre SDF de Saint-Pierre. Entr tan, moin la parti en Métropol dan un centre de rééducation car moin la été bien brulé pendan l’incendi de ma caz.
Kan moin la revnu, moin la parti voir Claude Hoarau é lu la bien akeuil a moin. Y fé 7 moi ke moin lé isi é mi voi dé changman dan la vil. Avan moin lété dan servis l’environman é mi voi ojourdui ke lé zouvrié lé bien sur la rout tou lé jour, lé projé la avansé avèk Claude Hoarau.
Ojourdui, a koz de Cyrille Hamilcaro, mi viv dan un imeub, alor k’avan, moin navé mon ti caz a tèr ».

• Marie-Noëlle Lenclume

« En 2001, moin té un gran militan de Cyrille Hamilcaro, moin té suiv a li partou, moin té fé kui mangé. Apré, kan li la rantré, moin la demann a li okup un papié pou moin. Li noré pu fèr, mé li la pa fé rien. En 2004, moin la contact Claude Hoarau ; mèm si li lété pa mèr, li la gaign bien okup mon papié. Donk mintnan, moin lé avèk li, o moin li la tien son promès.
Avèk Claude Hoarau, lé jeun la gaign un pe travay, mèm si sé pou 6 moi. Le kartié lé un pe animé osi. Vréman, lé choz la changé é nou ve ke y kontinu ».

 Propos recueillis par S.P.