In l’ané i sava fini, in l’ané i sava komansé , le tan la lite la pankor fine pasé. Nou Rényoné, groupé dann Comité Solidarité Chagos La Rényon (CSCR), nou suiv zot lite avèk admirasyon, avèk pasyon. Zot bann viktoir i sava dirèk dann nout kèr konmsi lété nout prop viktoir, ni plèr dsi zot défète konm si lété nout prop défète. Nou lé kontan oir azot défann zot fyèrté, dobout dovan bann gran nasyon inzis. Ni admir azot kan zot i déklar zot dignité lé ni pou vann, ni pou ashté .

Sèr épi frèr chagosiene, chagossien, in zour va vni l’èr la viktoir, l’èr lo rotour dann zot ti patri é l’èr-la sar sète la viktoir pou nou galman. Bone ané nout bann sèr épi nout bann frèr, bone santé zot tout. La viktoir, l’èr rotourné v’arivé.

Komité Solidarité Chagos La Rényon : Georges Gauvin, président, Alain Dreneau, secrétaire.