té mank dé zan pou li fé cent
mé dann son vi li la fé tan
kom ki diré li la viv cent an !

a li minm la ral Vergès Kartyé Fransé
lisinié té malisé, plantèr té pa mié
in tour de rin, ti-Pol la sov lo pé.

fondatèr ek dirizan CGTR
li té la o Port, promyé zour PCR
li té fini fé la gèr, la réprésyon li té pa pèr
zisko dernyé lo rouz té dann son kèr

défansèr zouvryé, mé pa selman
pour son péi li té vé lo dévlopman
pouss la liberté ek la zistis plis dovan
Réyoné oublira pa son bann kozman.

Philippe Yée-Chong-Tchi-Kan