Santé

« Si wi done sé pars ou néna l’anvi doné »

In kozman pou la route

Justin / 22 zwiyé 2021

JPEG - 43.6 ko

Médame, zé Méssyé, la sosyété koze èk mwin sé koze èk in kouyon mé sé o pyé d’lo mir k’i oi lo vré masson.

Mézami zordi ni kontinyé, konm zot i oi, bate noute karé dann karo provèrb péi HaÏti. Sète ni oi zordi i porte dsi lo laksyon d’doné. Sa i poze in vré késtyon : pou kossa demoune i done si zot i done ? Pars la pèrssone i domande la vréman bézoin ? Pars sak i done néna tro pou li é li vé débarrasse ali in pé, Lo proverb Haïti i réponde l’afèr lé pli sinp : wi done pars wi vé doné, pars ou néna l’anvi doné. Mé lo problème i rèss tèlkepou kosa ou néna lanvi doné, Pars wi gingn pa rofizé ? Pars la pèrsone sansa lo sosyété lé tèlman frazil ké wi oze pa afronte li ?

Mézami, m’a dir azot in n’afèr : zot i koné, i paré kréol i yème doné, zot ossi anparmi alor mi invite azot rofléshi lo késtyon-é mi mazine sa lé bien itil pars sa i pèrmète anou konète anou mèm myé – é ni artrouv pli d’van. Sipétadyé.

« Cé anvi baille ki baille » : in kozman péi Haîti.