Dann laéropor Zilo, kan nou ariv pou akèy Roland Payet dan son péï, na in bon komité i atann ali, èk bandrol pou kri ali la byinvéni. Tard pa la vwa Danyèl Waro sanm son kayanm i lèv romans l’égzil, inn déryèr lot (gèt parkoté.)
Anparmi zot, inn dann lo bann sèr Rolan, Marie-Thérèse Payet, i di anou in bout son santiman, in morso son vi : "Moin lé kontan. Mi atann ék impasians. Tout lé flou, dopi marmay nou la pi vi anou. Sé in mank térib. Not nouris té zèt lé lèt li anvoyé pou nou. Nou navé pa d’nouvèl d’not frèr. "
Minm gran lémosion dann la vwa son frèr Germain Payet : "Dopi 38 an, san nouvèl. Je le vois arriver avec beaucoup de plaisir. Je félicite ma sœur et tous ceux et celles qui ont réussi à le retrouver."
Nou sa ékout osi la niès Roland, Emanuelle Payet. Si son kèr : "Joie et révolte. Joie que la famille soit réunie. Et révolte à cause de la séparation, à cause du vécu, à cause de la manière dont les choses se sont passées. J’ai toujours vu ma mère chercher son frère. J’ai écrit les premières lettres et les administrations nous répondaient qu’elles ne se sentaient pas concernées. Maman, depuis l’âge de seize ans, cherche son frère. Ils ont été séparés quand elle avait cinq ans."
Emmanuelle sé sak Roland i koné lo myé, akoz té èl la koz dann téléfone sanm li dopi dé zan, pour prépar son rotour. Malgré èl lé kontan zordi, èl i koné i rèss ankor in ot frèr, Gaëtan, ankor dann la France. San konèt ousa li lé.
Sé inn ot sèr, Chantal Payet, monmon Emmanuel, la parti rod Roland. Èl i aprann anou li té dann in mézon d’retrèt, ék la rotrouv ali sanm son niméro sékirité sosial. Èl i rann gras Jean-Jacques Marital et Michel Calto pou zot koudmin, san zot riskab èl s’ré touzour pou rodé son tousèl. Son tousèl, akoz nivo Léta na pwin ryin la bouzé pou èd aèl. Tout lo bann baro té rès také. Ryink parkoté zasosiasion la giny avansé.

Le drame est réel dans le cœur...

Bann zasosiasion-la té ossi dann ron yèr matin, Jean-Philippe Jean-Marie (Association Rasin Anlèr) la viv lo minm légzil. An atandan larivé li di anou kèlpoin "c’est émouvant d’accueillir une personne comme Roland. La fami, lé z’asosiasion lé la. On est tous avec lui." Rasine Anlèr i atann touzour inn répons si program réparasion li la déposé dann la min bann z’institision.
Ghislaine Bessière (Rasine Kaf) i mèt ankor : "Le combat de réparation c’est notre premier combat. La Creuse est un drame actuel par rapport à l’esclavage. Nous rejoignons le combat mené par plusieurs associations pour tous les enfants de la Creuse. Il y a plus de 1.600 Réunionnais pour lesquels la lutte doit continuer, afin que nous soyions toujours ensemble pour les accueillir. Lé z’institision i dwa pronons azot su zot rotour. I fo in gran kabar pou mont azot anfin ke lé Réunioné lé la. Que le combat continue ".
Éric Alendroit (Ankraké) i lèss son kèr alé osi : "Ce matin, c’est l’émotion. C’est la joie de voir que la abouti. Roland Payet a pu arriver au bout du rêve. Le combat ne fait que commencer. Nous attendons tous un positionnement de l’ensemble des pouvoirs publics pour une reconnaissance. Des moyens doivent être mis en œuvre pour que la vérité soit faite, pour que la famille ait la possibilité de retrouver les leurs. Le drame est là, réel, dans la chair, dans l’esprit, dans le cœur. Voilà que s’exprime la solidarité, une vraie solidarité. C’est tout ce qui nous tient debout, face au silence de l’État au plus haut niveau ".
Ankor inn, l’asosiasion Génération Brisée i di aèl : "très heureuse d’accueillir le frère. C’est le résultat heureux d’une action concertée. Dommage que l’État ne se soit pas plus impliqué. Notre objectif est de faire revenir le plus de familles possibles parmi toutes celles exilées dans ces années."

"Rolan i konpran pi kréol"

Roland, la trap ali kan li lavé sèz an, pou travay si bitasyon épi li la été mason, menuizié. Nou poz ali inn-dé kestion an kréol. Emmanuel i bat lo kestion an fransé. Rolan i konpran pi kréol, i parl pi kréol. Déportasion la fine touf ziska son lang dan son lespri. Kan ni mann ali kèl souvnir i ress ali La Rénion, li réponn : "Je ne me rappelle plus de rien". Tanka son rotour dann son kartiè Terre-Sainte, sa li té oz pi maziné : "C’est impensable", li di.
A partir lo moman li sort l’aéropor, La Rénion, pou li in péï nèv, tout sak li va vwar sra inn dékouvert. Si i fodra in moun pou lir ali sak ni ékri, minm manyèr toulézour, son famy nora pou ramont ali sak i fé son lidantité.

Francky Lauret

Romans pou Rolan

Ala dé-trwa morso bann romans domoun la shanté pou akéy Roland. So n bann parol i kol tèlman for ansanm la réalité, ansanm lo gro l’émosion navé dann l’aéropor ké nou mèt azot la-dsou koman fonnkèr pou tout sak lé ankor bloké dèor malgré zot.

“Laviyon” (Danyèl Waro) :
"Gouvèrnman fransé zèl papang / la parti ansanm / Wo laviyon monmon / Wo laviyon papa / a bé wo laviyon la vol mon frèr/ Pou bat batayé la soubaté / Gouvérnman fransé bèl papang, la parti ansanm / O lo gouvèrnman fransé bèl papang la parti ansanm."

“Bébèr” (Danyèl Waro) :
" Kisa sa vyé katakrèz wé ! La ral atwé dan la Krèz wé ! Lordonans Débré monmon kapay inndé / Epi bann PTT monmon la souk inndé / Lordonans Débré monmon la souk inndé / Epi ladilafé monmon porsi inndé / Déboulman bonm an kèr si mon léstoma / Dann mon bra mon bébér wu koman baba."
Traduction par l’auteur : " Quelle est cette foutue gueuse, wé ! Qui t’exila dans la Creuse ? Wé ! L’ordonnance Debré nom de Dieu en déporta pas mal / Et pour les PTT combien d’entre eux passèrent le Canal ? / L’ordonnance Debré nom de Dieu en déporta pas mal / Et les ladilafé, bondieu, remplirent tant de malles / Bombe éboulement de cœur entre mes bras / Bébèr bébé blotti serré tout contre moi."