Médam zé mésyé, la sosyété, koz èk mwin sé koz èk in kouyon mé sé o pyé d’lo mir k’I oi lo masson. Mézami so matin mwin la trouv kozman-la dann in liv provèr : téi di pa konmsa pou vréman, téi di : ”Le diable danse dans une poche vide “. Mi panss mi déranz pa mon bann zansien kan mi di sa konmsa. Mé antansyon ! Mi yèmré pa ké lo moun i panss pars in pé lé pov zot néna pli d’viss ké l’izine Bofon. Mé lé sir wi pé gingn la tantasyon fèr bann shoz in pé a koté d’la loi, si ou lé dann difikilté. (…)