Mézami, provèrb-la sa sé in kozman l’afrik mwin l’aranj mon fasson : i fo toujour aranj son fasson, la kréolizasion i pass par la. Zot i panss pa ? Toute fasson, konm mi di la plipar d’tan : sak lé vré dann l’afrik, lé vréossi La Rényon épi in bon pé landroi dsi la tèr. Mi rapèl in zour in bon kamarade la gliss dann in tèr mouyé é li la tonm atèr, son gro zo d’kuiss kassé é médsin la romark li l’avé in gravmaladi. Olèrk s’anplégné, li la di : « In mal pou in bien ! ». Défoi kan i ariv aou (…)