Mézami, mi mazine d’ot ké mwin la fine poz azot la késtyon i vien dann mon tète dopi in bon boute tan. Ala èl la ! Mwin lé a d’mandé kèl konsékanss in kriz konm la maladi ni koné zordi i pé an avoir dsi lékonomi si la kriz i dire é si lékonomi lé frazil konm la n’ote. Pétète ni pé dir sa i pé donn in léfé négatif an shène : opliss lo lékonomi lé fèb, opliss la kriz lé riskab afébli ali ankor. Issi La Rényon nou la poin in lékonomi prodiktiv dévlopé : nout séktèr primèr, l’agrikiltir, lé (…)