Médame zé Méssyé, la sosyété, koz èk mwin sé koz èk in kouyon, mé sé o pyé d’lo mir k’i oi lo masson. Mézami, provèrb-la i sorte Maghreb, mé konm mi di souvan mwin la kréoliz ali in pé. La pa pou sa sé inn kozman La Rényon, mé pétète domin li va vni inn. An touléka, li néna in bon losson d’moral, pars kossa i ansèrv souplègn toultan, rakonte out mizèr, fé pityé, dir toute out malèr ? Pou d’moun intérèss azot out sor ? Kroi pa tro. Pou noute provèrb si wi fé sa, bann profitèr va abiz dsi ou. (…)