Mézami, m’a dir azot in n’afèr : pou mwin lé inportan, mi koné pa pou zot mé mi panss zot ossi i doi santir in kékshoz konmsa. Kossa i lé ? Kan i ariv in pèryode la kriz, In l’inpréssyon ou néna konm in bra kassé. In linprèssyon ou la pa moyin fé kékshoz bien pou tir aou é lé zot an mèm tan dann traka. Déssèrtin lé riskab majiné sé in n’afèr mi rossan zordi solman. Poitan mi rossan ali dopi in bonpé d’tan-dopi lo zour moin la konpri lotonomi mwin épi d’ote, nou téi vé dopi nout jenn tan, (…)