Médam zé méssyé, la sosyété koz èk mwin sé koz èk in kouyon mé sé o pyé d’lo mir k’i oi lo masson. Mézami, provèrb-la néna in bon pé d’moun i di sa La Rényon é mwin lé sir, malin konm zot i lé, zot la fine konprann lo sans ni pé done ali, kissoi lo sanss prop, konm lo sans figiré. San prop ? Normalman in pyé d’boi, sa i pouss droite, pars normalman li sava landroi solèye avèk la limyèr i atir ali é si li pouss tort sa i vé dir li la konète in laksidan : pé s’fèr in n’ot pyé d’boi la tonm dsi (…)