Médam, zé Méssyé, la sosyété, koze èk mwin sé konmsi wi koze avèk in kouyon, mé sé o pyé d’lo mir wi pé oir lo masson. Mézami, si zot i lir bien sak mwin la mark an-o la, zot va konprann toutsuite la pa in kozman kréol rényoné, mé in kalité kozman wi pé antann partou oussa wi sava donk wi pé antann ali issi La Rényon-pars bann rényoné i mank pa fé lo filozof tazantan. Ni pouré dir la pa la kouyoniss i fé rokil la kouyoniss mé lintélizans i yinbou.. Avèk lo tan. Pou koué mi di avèk lo tan ? (…)