Médam, zé Méssyé, la sosyété, koze èk mwin sé koze èk in kouyon mé sé o pyé d’lo mir k’i oi lo vré masson. Mézami, kozman mwin la mark an-o la, sa i fé parti bann kozman mi yèm pa pars sa i amenn amwin porte in rogar an grenn dsi l’imanité. Fransh vérité, kan mi lir sa, mi oi l’imanité konm mi yèmré pa k’èl lé : égoïste, profitèr, san pityé ; é mi domand amwin si sé l’imanité ké lé konmsa sansa sé mwin k’i oi li konmsa tazantan suivan mon zimèr. Pars in zour wi oi lé shoz an roz, in zour wi (…)