Médame, zé Méssyé, la sosyété koze avèk mwin sé koze avèk in kouyon, mé sé o pyé d’lo mir k’i oi lo masson. Mézami, kozman-la, a s’ki paré sé in gran savan téi apèl Einstein la invante sa. Invanté ? Pé s’fère mé si mi baze dsi mon prope léspèryanss, la plipar d’tan sé bande de moun lé pa tro kanifyé i nyabou invante band kozman konmsa. La prèv an é, toute band sirandane néna issi shé nou la pa band doktère la invante sa.La plipar i panss téi mète trou p avèk papa pars i koné pa oussa i sava (…)