Médame, méssyé, la sosyété koze èk mwin sé koze èk in kouyon, mé sé o pyé d’lo mir k’i oi lo vré masson. Mézami néna lontan mi tourn épi mi rotourn kozman-la dann mon tète pars mi oi pa kossa sa i vé dir toulbon, oussa sa i sorte, dopi kan i di kozman-la issi La Rényon. Mwin la fine domande mon bande dalon, mé san rézilta-néna bien sak i tradui lo motamo mé mi trouv pa sa lé valab. Tazantan mi ansouvien lo tan mwin lété marmaye dann mon vilaz demoune lété pov konm Job dsi son ta fimyé. (…)