Fransh vérité mé zami, la lang la pwin lo zo ! Pou kossa mi di sa ? Pars dabor inn ni pé fé lé dé : plante kann épi plante sak ni manz é manz sak ni plante pou trape konm in bonpé i apèl lotonomi alimantère.. Inn i anpèsh pa l’ot. Dézyèmman néna si tèlman la rishéss dann kann ké arash ali total kapital sré konmsi i tyé nout poul zèf an or. Si koméla nou lé dann in linpass avèk nout kann sé par nou, par l’érop, par bann sosyété konm Téréos, par toute zérèr ké la fé, sé par lo règloman (…)