Donk demoune téi atande azot k’in zour lo boug nora zète son kor. In l’avé antande ali dire sa, la di avèk l’ote. L’ote la ardi sa avèk d’ote ankor si tèlman lo ladi-lafé la fini par sirkile dann lo kartyé sinte klotide lé o. Alor toulmoune té i atande sa : kanssa ? Kélèr ? Kèl zour sète afèr-la téi sava arivé é kan in matin la vi lo boug son shapo fète dsi lo zyé, la sorte son kaze konm i di lèr bardzour-rante lo shien épi lo lou si zot i vé, san fé tékspré toute de moune la mète a marsh (…)