Mézami mi panss kozman mwin la marke an-o la i rossanb in pé kozman k’i di : « i aprande pa vyé sinz pou fé la grimass ». Sansa ankor : « I amontr pa lo shien manz mayi. » Antouléka mi pé dir azot zépine sitron, sa lé danzéré, é lé pa konsèyé d’frékant ali tro pré. Mi pans zot i koné doulèr zépine sitron si zot i fourgogn in pé dann zardin kréol. Pars dann zardin kréol néna touzour in pyé sitron gran zépine é kan mi di gran la pa pou zoué. An atandan kossa noute kozman zordi i vé dir ? (…)