Pou kossa mi di sa ? Pars mwin néna an mémoir sak la éspass yèr, épi mi oi dovan mwin sak i éspass zordi, é mwin néna konm linpréssion l’inn é l’ote i rezwin pou anpèsh nout lidantité inpoz ali konm kékshoz définitif kékshoz définitivman instalé, ataké, agréssé, arsélé san arété. Yèr é zordi, i rofiz apèl La Frans, la Frans mé i kriye ali konm métropol – mèm si métropol i fé bonpé kolonyal. Yèr téi rofiz apèl La Rényon péi, rényoné pèp ; nout kiltir zot i apèl folklore, nout lang i di sa (…)