Mézami l’avé in zénéral shinoi téi di konmsa : « Si out lénmi lé ansèrklé, si li lé batu, rouv in passaz pou lèss ali alé ». Dann la litératur néna in kantité kozman dsu lo méyèr fasson pou trète in l’ènmi é dèssèrtènn fasson lé in pé étonan. Par égzanp sak i di trète out zènmi konm in ami, é out zami konm in zènmi. Néna pou fé travaye la tète ladan. Alé ! mi kite azot rofléshi la dsu, é ni rotrouv pli d’van. Sipétadyé Justin