Mézami, si mi di azot mi yème pa tro kozman-la, zot va dir amwin : « Pou kossa ? ». Mon réponss lé sinp : sé pars dann kozman-la nénain landedan idéolozik — in konténi si zot i vé — i trouv souvan dé foi dann nout sossyété rényonèz. Souvan ni antande demoune apré krétik sak néna moinss moiyin ké zot épi la bézoin lé z’ède pou zwinde lé dé boute par l’milyé-demoune pov si zot i vé. Si zot i konpran amwin bien, mi yème pa kan i tire dsu demoune dann la difikilté : i trète banna d’parèss, (…)